O Xogo da Semana: Soccer Ball

Nesta semana imos a disfrutar doutro novo xogo de dinámicas, ambientado nesta ocasión en torno ó Deporte Rei.

Usa as traxectorias do esférico para golpear ó árbitro ou para pasar a pelota a un compañeiro. Tenta de non perder o balón, nin que saia da pantalla ou caia nos pinchos ou similar.

Cada nivel poder gañar ningunha, unha, dúas ou tres estrelas de ouro. A ver quen o fai mellor.

Xoga pulsando aquí:

SOCCER BALLS

pracTICa 10: Xtranormal.

Nesta nova pracTICa a vosa tarefa será utilizar o programa online Xtranormal para xerar unha breve animación que poderedes usar para expresar algún destos contidos:

- Relatar unha lección dalgunha asignatura da vosa clase.
- Falar dunha afición ou personaxe que vos guste.
- Contar unha fábula, parodia, relato corto, monologo ou chiste.
- Expresar unha opinión ou ideal.
- Etc

Pensade que unha vez máis teño que insistir en que sexades coidadosos e que fagades o traballo con interés e con mimo, tal como corresponde ó alumnado do bacharelato, non de 5º da ESO.

Como os monecos falan, tende especial coidado en engadir pausas entre frases ou de momdo que resalten unha verba dada.

Xtranormal: Fai as túas propias curtas na rede

Se podes escribilo, podes facelo.



Ese é o lema da aplicación que presentamos, Xtranormal, un entorno en flash que nos permitirá facer as nosas propias creacións audiovisuais.


Ainda que a interface está en idioma inglés ou francés (polo de agora, pois é unha beta), é doada de comprensión e manexo, quedando as nosas posibilidades creativas únicamente limitadas pola nosa imaxinación.


Como decía máis arriba, con Xtranormal o lema é: "se podes escribilo, podes facelo".
Utilizando unha serie de guións, dotarás de animación e vida a unha serie de persoaxes para poder facer posible a película, ou curta, ou chiste visual, que sempre desexaches narrar.


Require rexistrarse.


Eiquí tes unha breve reseña do programa dende a páxina NEOTEO e de cómo utilizala. Ainda que está en inglés ou francés, os monicreques poderán falar en diversas linguas. Sí, poden falar!


Ten o problema de que ás veces ten un proceso de carga un tanto lento, pero tendo en conta que a aplicación é totalmente online, é compresible.


Vaite familiarizando coa aplicación de cara a facer unha creación no futuro.


Un exemplo das posibilidades da aplicación.

O Xogo da Semana: Mooo

Ola de novo, benvidos á máis dicharacheira sección do Blog de Tic.

Nesta ocasión teremos de novo que poñernos na pele dunha simpática e oronda rumiante, unha vaca leiteira que se chama MOOO.

A súa misión será tocar a botella de cristal para que se encha de leite (un novo exemplo da explotación animal por parte dos humáns)

A vaca manéxase usando os cursores ou ben as letras A e D para ir de esquerda a dereita, e pinchando co rato poderemos facer desaparecer os bloques verdes.

Hai que ter coidado coas bombas e con non sair fora da pantalla.

Sorte e a pola leite. Para xogar preme MOOO

PracTICa 09: Usos e Costumbres

Isto é un ordenador.

Segundo a definición trátase dunha máquina dixital e electrónica capaz de procesar información seguindo instruccións almacenadas en programas .

Esa definición tan fría faille pouco favor a este trebello que tanto usamos na nosa vida moderna, dende o uso personal ó uso máis social e global.

Nesta ocasión o traballo que vos pido é unha análise do uso que facedes no cotiá dos ordenadores. Cando chegas a casa, se tiveses todo o tempo do mundo. ¿Que uso fas do ordenador? ¿Úsalo para conectarte a redes sociais a través de internet? ¿Para redactar traballos ou buscar información? ¿Ver e ordenar as fotos? ¿Xogar? ¿Deseño? ¿Ve-lo periódico, escoitar música o ver unha película ou videos en streaming? ¿Descargar contidos?




Hai tantas e tantas cousas que se poden facer cun ordneador hoxe en día,... describe os usos que lle das, as razóns que te levan a facelo e as ventaxas e inconvintes que lle ves ó asunto.

Fala tamén da túa primeira experiencia cun ordenador, mesmo se lembras o primeiro ordenador que tiveches, si es que tes algún.
E describe tamén o que te gustaría aprender a facer cun ordenador, ou as posibilidades de futuro que lle ves.




Lembra coidar a redacción do teu traballo e darlle unha coherencia e extensión adecuada para ser un traballo dun nivel como primeiro de bacharelato.

Valoraranse as reflexións maduras e ben levadas, a corrección gramatical e o contexto xeral do escrito.

Publicaredes este texto, dunha extensión media, no voso blog, baixo o nome que ten esta mesma entrada. Lembrade elaborar un texto ó nivel que se se espera de vos coma alumnos de bachallerelato, cunha certa seriedade e corrección.

Fecha máxima de entrega, Mércores 2 de Febreiro.

O Xogo da Semana: Shot Shot Pirate

Benvidos de volta ós xogos da semana. Despois do duro traballo ímonos a relaxar cun pouco de divertida violencia gratuíta.

Neste caso o noso heroe deberá facer que o diamante caiga ó chan cos séus cañonazos.

Temos tres tipo sde bolas de canón. A bola simple, a bola pesada e a bola explosiva. Úsaas con sentidiño. E sobre todo, ¡Non fagas trampas mirando a solución!

Xoga aquí:

SHOT SHOT PIRATE

PraTICa 08: Traballo na Wikipedia.

Ola alumn@s. Voltamos do Nadal con ánimos renovados e as baterías cargadas.

O seguinte traballo consiste en realizar unha colaboración orixinal na Wikipedia, ben sexa na súa versión en castelán como en galego.

¿Como podedes colaborar?

- Creando dende cero un artigo novo.
- Engadindo ou correxindo datos, unha vez contrastados, nun artigo xa existente.
- Traducindo un artigo dun idioma a outro. (Ollo, traduccións manuais, non usando traductores automáticos, cousa penalizada pola Wikipedia)
- Creando contidos multimedia propios (imaxes, sons,...) e cedelos á Wikipedia.

Valorarase a calidade e cantidade de colaboracións, pero sobre todo a calidade.

Os contidos deben de ser orixinais, non copiados doutras webs, nin sequera "anacos".

A temporalización do traballo é a seguinte:
- Luns 17. Tendes que decidir que tipo de colaboracións e en cales temas ides a traballar.
- Martes 18, Mércores 19, Xoves 20 (engadido como día adicional por mor da excursión do martes). Fase de redacción e elaboración de datos. Podedes irme amosando o que ides a facer.
- Luns 24. Publicación dos contidos na Wikipedia. Data final para a entrega do traballo.

Os traballos fora de plazo non serán admitidos.

Lembrade que tendes que facer unha conta de Wikipedia na casa, tarefa que xa tiñades que ter feito.

Tendes que escribir nos comentarios neste tema de TICBarraña o voso nome e o tema escollido no momento que vos decidades.

Postadata: Un consello. Non traballedes directamente na Wikipedia antes da publicación. O ideal é que redactedes un borrador usando Google Docs... e xa se pasará á Wikipedia o Luns. Dádevos conta de que a Wikipedia usa unha especie de linguaxe de programación algo confuso.

 NOTA: Deberedes publicar no voso Blog os contidos que creedes para a Wikipedia cun enlace ó documento ou documentos en cuestión e o nome da conta de Wikipedia empregada. Non é necesario envialo ó correo da clase nin compartilo.